Námskeið í boði

Vatnsleikfimi

Vatnsleikfimi er alhliða og góð þjálfun sem hefur verið gríðarlega vinsæl. Þjálfunin fer fram undir stjórn reyndra þjálfara og hentar sérlega vel fyrir þau sem eru að hefja þjálfun eftir veikindi eða langt hlé. Algengt er að þau sem eru með stoðkerfisverki eigi auðveldara með að gera æfingar í vatni heldur en á þurru landi. 
Hver tími er 40 mínútur í senn, bein þjálfun þar af ekki lengri en 30 mínútur en í lok tímans eru teknar nokkrar mínútur í slökun.

Hlé er gert á vatnsleikfimi í júlí og ágúst.

Vatnsleikfimi í Hátúni

Vatnsleikfimi í innilaug í Hátúni 12 (Sjálfsbjargarhúsinu).
Mánudaga og miðvikudaga
Hópur 1 klukkan 16:30 (opnað kl. 16:15)
Hópur 2 klukkan 17:15
Þjálfarar eru Magnea G. Ferdinandsdóttir á mánudögum og Sandra Rán Garðarsdóttir á miðvikudögum.

Leikfimin í Hátúni er opin bæði körlum og konum.

Vatnsleikfimi á Grensás

Vatnsleikfimi í innilaug á Grensás (Grensásvegi 62, ekið inn frá Álmgerði).
Þriðjudaga og fimmtudaga
Hópur 1 klukkan 15:15-15:55 (opnað kl 15:00)
Hópur 2 klukkan 16:05-16:45
Þjálfarar eru Magnea G. Ferdinandsdóttir á þriðjudögum og Sandra Rán Garðarsdóttir á fimmtudögum.

Hóparnir í Grensáslaug eru eingöngu fyrir konur.

Handaleikfimi og slökun

6 vikna námskeið í handafimi, frá 25. september 2024.
Miðvikudögum klukkan 11:00.
Liðleiki og styrkur handa er ein grunnforsenda virkni daglegs lífs.
Jóna Guðbjörg íþróttafræðingur ætlar að sjá um þjálfunina.
Í upphafi hvers tíma er farið í vax til að hita upp og mýkja hendur og fingur.
Slökun verður tekin meðan beðið er, þar sem slökun getur verið áhrifarík sem verkjameðferð.
Síðan eru gerðar handa- og fingraæfingar til að viðhalda og/eða auka hreyfigetu og styrk.

Skráning í hópþjálfun

Skráning og nánari upplýsingar á skrifstofu Gigtarfélags Íslands, sími 530 3600 eða með skeyti á netfang skrifstofu  gigt@gigt.is

Flest stéttarfélög veita félagsmönnum sínum líkamsræktarstyrk sem hægt er að nota upp í þátttökugjald í vatnsleikfimi.
Vatnsleikfimi Gigtarfélagsins er á skrá sem úrræði hjá Virk starfsendurhæfingasjóði.