Sjúkraþjálfarar og Iðjuþjálfar
Gigtarfélag Íslands óskar eftir sjúkraþjálfara og iðjuþjálfa. Félagið flutti nýlega í nýtt húsnæði að Brekkuhúsum 1, þar sem er vel búið að sjúkraþjálfun og iðjuþjálfun.
Sjúkraþjálfari óskast
Gigtarfélag Íslands óskar eftir sjúkraþjálfara í 50% starf, möguleiki er á að skoða hærra starfshlutfall. Hagstæð aðstöðugjöld. Óskum eftir að viðkomandi hefji störf sem fyrst eða eftir samkomulagi.
Sjúkraþjálfun Gigtarfélags Íslands hefur verið starfrækt í yfir 30 ár og starfa þar 2 sjúkraþjálfarar með mikla reynslu. Hjá félaginu er starfrækt hópþjálfun í vatni og í sal. Einnig er aðgangur að jafningjafræðslu, áhugahópum félagsins og ráðgjöf fyrir þá skjólstæðinga sem þurfa aukinn stuðning og fræðslu.
Umsóknir ásamt upplýsingum um nám og fyrri störf sendist sjórn Gigtarfélags Íslands á netfangið gigt@gigt.is
Farið verður með allar umsóknir sem trúnaðarmál
Iðjuþjálfi óskast
Gigtarfélag Íslands óskar að ráða iðjuþjálfa í 100% starf. Möguleiki er á að skipta starfinu upp í tvö 50% störf. Gigtarfélagið hefur undanfarið gengið í gegnum miklar breytingar. Fyrrum framkvæmdastjóri félagsins hefur látið af störfum og félagið hefur flutt í nýuppgert húsnæði í Brekkuhúsum 1 í Reykjavík. Nýr starfsmaður hefur tækifæri til að móta starfsemi iðjuþjálfunardeildar félagsins á nýjum stað. Félagið er að ganga í gegnum miklar breytingar og færa sig til nútímalegri meðferðarstarfsemi. Nýr framkvæmdastjóri verður ráðin á næstu mánuðum auk þess sem sjúkraþjálfurum verður fjölgað og kemur nýr iðjuþjálfi að því að móta starfsemi félagsins til framtíðar ásamt þeim og stjórn félagsins.
Tilgangur iðjuþjálfunar Gigtarfélagsins er að hjálpa fólki að bæta og viðhalda hreyfifærni og auka þannig lífsgæði skjólstæðinganna.
Starfið er fjölbreytt með fólki á öllum aldri með gigt. Það er gefandi og krefst faglegra og sjálfstæðra vinnubragða og frumkvæðis.
Unnið er samkvæmt samningi við Sjúkratryggingar sem meðal annars býður upp á möguleika á meðferð á staðnum en einnig upp á ráðleggingar á heimili og fleira.
Hæfnikröfur:
» Íslenskt starfsleyfi sem iðjuþjálfi
» Hæfni í mannlegum samskiptum og jákvætt viðhorf
» Skipulagshæfni, frumkvæði og sjálfstæði í vinnubrögðum
» Íslenskukunnátta nauðsynleg
Umsóknir ásamt upplýsingum um nám og fyrri störf sendist Dóru Ingvadóttur formanni Gigtarfélags Íslands á netfangið dora@gigt.is
Farið verður með allar upplýsingar sem trúnaðarmál.