3. Gigtargangan fimmtudaginn 9. október 2008, kl. 17:30
Fimmtudaginn 9. október mun gigtarfólk ganga með fjölskyldum sínum og vinum frá Lækjartorgi upp á Skólavörðuholt undir kjörorðinu "Að hugsa jákvætt." En gigtarfélögin í Evrópu munu öll beita sér undir þessu kjörorði á alþjóðlega gigtardaginn 12. október nk. eða í þeirri viku sem hann ber upp á.
Við göngum til að vekja athygli á því..
- að gigtarfólk er fleira en flestir halda.
- að atvinnuþátttaka gigtarfólks á Íslandi er meiri en á hinum Norðurlöndunum.
- að snemmgreining gigtarsjúkdóma skiptir öllu máli.
- 10 til 14 börn greinast með alvarlegan gigtarsjúkdóm á ári.
- 65.000 íslendingar eru með gigt, eða annan stoðkerfisvanda.
Gigtargangan
17:00 - Safnast verður saman á Lækjartorgi
17:20 - Upphitun fyrir gönguna
17:30 - Gangan hefst, gengið verður upp Bankastræti og Skólavörðustíg
18:30 - Lok göngu á Skólavörðuholti við styttu Leifs heppna.
Við mælum með að þeir sem erfiðast eiga með gang komi inn í gönguna við Bergstaðastræti.
"Staðreyndir"
- Dugnaður, útsjónarsemi og einurð eru eiginleikar sem gigtarfólk stendur fyrir.
- Meðferðarúrræði við gigtarsjúkdómum eru góð fjárfesting.
- Rannsóknir á gigtarsjúkdómum eru undistaða bættra úrræða.
Mætum öll í gönguna, við leggjum af stað frá Lækjartorgi á réttum tíma. Allar frekari upplýsingar er að fá á skrifstofu GÍ í síma 530 3600.