Aðalfundur Gigtarfélags Íslands - Deild Norðurlands Eystra.
Þriðjudaginn 27. febrúar nk. boðar Gigtarfélag Íslands, deild Norðurlands Eystra, til aðalfundar á Akureyri með félagsmönnum og öðrum sem áhuga hafa á málefninu. Fundurinn verður haldinn kl. 20.00 á Hótel KEA.
Auk venjulegra aðalfundarstarfa mun Sigríður Jónsdóttir hjúkrunarfræðingur M.S. kynna niðurstöður rannsóknar sinnar sem hún nefnir:
„Iktsýki, streita og tileinkun bjargráða eftir áföll.”
Markmið rannsóknarinnar var tvíþætt:
- að varpa ljósi á samspil streitu og iktsýki.
- að lýsa bjargráðum iktsjúkra eftir alvarleg sálræn áföll.
Rannsóknir á orsökum iktsýki benda til þess að tilhneigingin til að fá sjúkdóminn erfist og með tilkomu óþekktra umhverfisþátta leysist gigtin úr læðingi.