Að lifa með sjúkdóminn rauða úlfa - meðferð, lífstíll 28. nóvember kl. 20:00
Fimmtudaginn 28. nóvember nk. kl 20:00 mun Gerður Gröndal
gigtarlæknir halda erindi á Gigtarmiðstöð Gigtarfélagsins að Ármúla 5 í Reykjavík
um gigtarsjúkdóminn rauða úlfa eða lupus. Fyrirlesturinn nefnir hún „Að lifa með sjúkdóminn rauða úlfa - meðferð,
lífstíll“ Rauðir úlfar eru sjálfsofnæmissjúkdómur. Á latínu heitir
sjúkdómurinn „lupus erythematosus disseminatus“. Lupus merkir úlfur og vísar
til þess að sjúkdómurinn getur verið algjörlega óútreiknanlegur. Hann getur
lagst á allflest líffærakerfi og vefi líkamans en oftast verða húð, liðir,
nýru, slímhimna eða taugakerfið fyrir barðinu á rauðum úlfum. Gerður María Gröndal er yfirlæknir gigtarlækninga
á Landspítala og hefur verið frá 1. febrúar 2017. Starfaði áður sem aðstoðaryfirlæknir
gigtarlækninga og er klínískur prófessor
Allir eru velkomnir, upplagt fyrir aðstandendur að koma.