Iðjuþjálfun hjá Gigtarfélagi Íslands er mikilvægur þáttur í stuðningi félagsins við fólk með gigtarsjúkdóma. Iðjuþjálfar Gigtarfélagsins eru sérmenntaðir fagmenn með þekkingu á gigt og áhrifum hennar á daglegt líf. Þjónustan er einstaklingsmiðuð og byggð á raunverulegum þörfum hvers og eins.

 Markmiðið er að bæta daglegt líf einstaklinga með gigt með því að finna lausnir sem gera þeim kleift að sinna athöfnum daglegs lífs með sem minnstum óþægindum og verkjum.

Hvað felst í iðjuþjálfun hjá Gigtarfélaginu?

• Mat á getu og aðstæðum einstaklings með tilliti til verkja, hreyfanleika og úthalds.
• Ráðgjöf um hjálpartæki, s.s. griphlífar, opnara, hækjur, stoðtæki o.fl.
• Aðlögun heimilis- og vinnuaðstæðna til að létta álag og minnka verki.
• Fræðsla og þjálfun í aðferðum til að vernda liði og dreifa álagi (liðaþyrming).
• Orkusparandi aðferðir við dagleg verkefni.
• Ráðgjöf um líkamsstöðu og hreyfimynstur til að minnka verki og álag.
  
  

Hvar fer þjónustan fram?

• Yfirleitt er þjónustan veitt í aðstöðu Gigtarfélagsins:
   Brekkuhús 1, 112 Reykjavík
• Í sumum tilvikum geta símaráðgjöf eða tölvupóstsamskipti einnig átt við.
  
  

Hverjir geta nýtt sér þjónustuna?

• Allir sem eru með gigtarsjúkdóma og eru félagsmenn Gigtarfélags Íslands.
• Til að nýta sér þjónustu iðjuþjálfa þarf að fá beiðni frá lækni og er þjónustan niðurgreidd af Sjúkratrygginum Íslands