Að greinast með gigt getur verið erfitt og haft áhrif á lífsgæði, starfsgetu og daglegt líf. Læknisþjónusta skiptir máli, en hún nær ekki alltaf utan um allar áskoranir langvinns og oft ósýnilegs sjúkdóms.

Í jafningjastuðningshópum hittir fólk aðra sem skilja lífið með gigt og getur deilt reynslu, ráðum og stuðningi í öruggu og skilningsríku umhverfi. Slíkur stuðningur dregur úr einmanaleika, eykur sjálfstraust og hjálpar fólki að finna leiðir til betri lífsgæða.

Jafningjahópar Gigtarfélagsins eru lokaðir og aðeins fyrir félaga með viðkomandi sjúkdóm, sem tryggir trúnað, öryggi og sameiginlega reynslu allra þátttakenda. Hóparnir eru á Facebook en hittast jafnframt reglulega í húsnæði Gigtarfélagsins í Brekkuhúsum. Hægt er að fylgjast með fundum á Teams.

Mikilvægt: Þegar fólk sækir um að ganga í hópinn þarf það að svara „membership question“. Ef því er ekki svarað verður umsókninni hafnað.