Opið fyrir umsóknir í Styrktarsjóð gigtveikra barna
Nú er búið að opna
fyrir umsóknir í Styrktarsjóð gigtveikra barna.
Tilgangur sjóðsins er að styrkja gigtveik börn og fjölskyldur
þeirra til hinna ýmsu verka. Þar má meðal annars nefna styrk til kaupa á ýmsum
hjálpartækjum, styrk upp í utanlandsferðir eða dvöl í orlofshúsi eða styrki
fyrir hin ýmsu áhugamál svo eitthvað sé nefnt.
Foreldrar gigtveikra barna (frá 0-18 ára), sem eru félagsmenn Gigtarfélags
Íslands, geta sótt um í sjóðinn.
Umsóknarfrestur er til og með 25. febrúar 2018 og má nálgast umsóknareyðublaðið á skrifstofu
Gigtarfélagsins að Ármúla 5 (s: 530-3600) eða á netfangið styrktarsjodurgigtveikrabarna@gmail.com.
ATH!
Læknisvottorð skal fylgja umsóknum.
Skil á umsóknum (og vottorðum) eru til skrifstofu
Gigtarfélagsins eða á netfangið styrktarsjodurgigtveikrabarna@gmail.com.
Allir umsækjendur fá svar í byrjun mars og er
úthlutun einnig áætluð í þeim mánuði.
Nánari upplýsingar má fá hjá Gigtarfélaginu í síma 530-3600 (Sunna) eða með
fyrirspurn á netfangið sunnabra@gigt.is.
Kveðja,
stjórn Styrktarsjóðs gigtveikra barna.