Starfsemin

Markmið Gigtarfélags Íslands er að auka lífsgæði fólks með gigtarsjúkdóma og fjölskyldna þeirra.

Starfsemi Gigtarfélags Íslands er margþætt.  Félagið hefur aðsetur og rekur Gigtarmiðstöðina að Ármúla 5 í Reykjavík.  Auk félagsstarfs stendur félagið fyrir hópþjálfun (leikfimi) fyrir gigtarfólk í sundlaug og í sal, heldur námskeið og fræðslufundi um gigtarsjúkdóma og tengd efni. Hagnýta símaráðgjöf má sækja á Gigtarlínu félagsins, en þar svarar fagfólk spurningum tvisvar í viku, tvo tíma í senn, frá september byrjun og fram í júní. Að Ármúla 5 hafa einnig áhugahópar félagsins athvarf, en jafningjafræðsla er mikilvægur þáttur í starfseminni. Landshlutadeildir eru starfandi á landsbyggðinni. Félagar í Gigtarfélagi Íslands eru um 4.800.

Auk félagsstarfs, þjónustu sjúkra- og iðjuþjálfunar getur fólk leitað eftir ráðgjöf og leiðbeiningu til félagsins, sótt fræðslu sem í boði er, sótt leikfimi fyrir gigtarfólk (er öllum opin) og sótt jafningjastuðning/fræðslu í áhugahópana. Í húsakynnum félagsins er einnig hægt að sækja þjónustu fótaðgerðafræðings og nuddara, sem starfa þar á eigin vegum.