Um Gigtarfélagið 

Gigtarfélagið var stofnað 9. október 1976 og er félagasamtök sem vinna að hagsmunamálum einstaklinga með gigtarsjúkdóma og skyld heilsufarsvandamál á Íslandi. Félagið er eitt af stærstu sjúklingafélögum á Íslandi, enda fær að jafnaði einn af hverjum fimm Íslendingum gigtarsjúkdóm einhvern tímann á lífsleiðinni.

Félagið starfað lengst af í Ármúla 5 í Reykjavík en flutti starfsemi sína árið 2022 í Brekkuhús 1 í nýuppgert húsnæði sem hentar betur þörfum starfseminnar og stenst betur kröfur nútímans um aðgengi. Gigtarfélagið hefur frá upphafi haft það að markmiði að:

Hlutverk og markmið

• Bæta lífsgæði fólks með gigt með forvörnum, fræðslu, stuðningi og þjónustu.
• Stuðla að rannsóknum á gigtarsjúkdómum og meðferð þeirra.
• Vinna að bættri heilbrigðisþjónustu og aðgengi að greiningu og meðferð.
• Fræða almenning og heilbrigðisstarfsfólk um gigtarsjúkdóma.
• Styrkja félagslegt net gigtarsjúklinga með hópastarfi og jafningjastuðningshópum.
  
  

Helstu þjónustur og verkefni

• Fræðsla: Bæklingar, vefefni og fyrirlestrar um ýmsa gigtarsjúkdóma og meðferðir.
• Endurhæfing: Félagið býður upp á sjúkraþjálfun, iðjuþjálfun, vatnsleikfimi og handafimi sem sérhæfð er að þörfum fólks með gigt.
• Ráðgjöf: Félagið veitir  ráðgjöf um sjúkdóma, réttindi.
• Félagsstarf: Hópar og deildir víðsvegar um landið með viðburði, samveru og stuðning.
• Styrktarsjóðir: Þorbjargarsjóður og fleiri styrkir til náms og rannsóknaverkefna.
  
  

Félagsaðild

Allir sem hafa áhuga á eða tengjast gigtarmálum geta orðið félagar. Félagsmenn fá aðgang að:

• Reglulegu fréttabréfi.
• Ráðgjöf og fræðslu.
• Aðgangur að fræðsluefni á heimasíðu.
• Jafningjastuðningshópum og öðru hópastarfi bæði á staðnum í Brekkuhúsum og á Facebook.
• Afslættir hjá samstarfsaðilum.
  
  

Heimasíða og tengiliðir

• Vefur: www.gigt.is
• Netfang: gigt@gigt.is
• Sími: 530-3600
• Staðsetning: Brekkuhús 1, 112 Reykjavík