Notendastýrð þjónusta: Hugmyndafræði og framkvæmd 26. maí nk.
Mánudaginn 26. maí kl. 10 -12 verður haldinn kynningarfundur um notendastýrða þjónustu í Hátúni 12, sal Sjálfsbjargar á höfuðborgarsvæðinu. Á fundinum kynnir dr. Peter Anderberg hugmyndafræðina að baki notendastýrðri þjónustu og hvernig slík þjónusta hefur verið framkvæmd í Svíþjóð.
Peter Anderberg er fræðimaður við háskólann í Lundi og meðlimur í Institute for Independent Living í Svíþjóð. Hann hefur sjálfur áralanga reynslu af notendastýrðri þjónustu.
Allt áhugafólk um notendastýrða þjónustu er hvatt til að mæta. Góður tími gefst til umræðna og fyrirspurna. Allir eru velkomnir og aðgangur er ókeypis.
Að fundinum standa Rannsóknasetur í fötlunarfræðum við Háskóla Íslands, Sjálfsbjörg landssamband fatlaðra, Landssamtökin þroskahjálp og Öryrkjabandalag Íslands.
Vilji fólk skoða freka hvað notendastýrð þjónusta er má sjá nánari umfjöllun á slóðinni hér hér að neðan.