Styrkir veittir úr Þorbjargarsjóði
Í dag úthlutaði stjórn Þorbjargarsjóðs þremur námsstyrkjum til ungs fólks með gigt. Styrkþegar eru Óskar Örn Hálfdánarson Ísafirði sem hlaut kr. 100.000- , Eva Ösp Ögmundsdóttir Reykjavík og Andrea Diljá Jóhannsdóttir Akureyri sem hlutu kr 75.000 hvor.
Styrktar- og minningarsjóður Þorbjargar Björnsdóttur er í vörslu Gigtarfélags Íslands og var settur á fót að frumkvæði fjögurra kvenna, þeirra Helgu Björnsdóttur, Elínar Hannam, Oddnýjar Gísladóttur og Kristínar Pétursdóttur í Reykjvík. Grunnur sjóðsins eru stofngjafir frá þeim til minningar um Þorbjörgu Björnsdóttur, sjóðurinn hefur og notið framlaga frá öðrum á undanförnum árum.
Tilgangur sjóðsins er að styrkja gigtsjúka, einkum unga gigtarsjúklinga til náms. Undanfarin ár hafa árlegar styrkveitingar úr sjóðnum numið u.þ.b. kr 200.000.
Núverandi stjórn sjóðsins skipa:
Sr. Auður Inga Einarsdóttir, formaður
Einar S. Ingólfsson, lögmaður og formaður GÍ, ritari
Dr. Björn Guðbjörnsson gigtarlæknir, meðstjórnandi