Fræðsluvefur um vefjagigt
Heilbrigðisráðherra Siv Friðleifsdóttir opnaði formlega nýjan fræðsluvef um vefjagigt við athöfn í Háskólanum í Reykjavík miðvikudaginn 23. maí.
Vefurinn er unninn af Sigrúnu Baldursdóttur, sjúkraþjálfara BSc, MTc, sem meistaraverkefni í lýðheilsufræðum við Háskólann í Reykjavík. Auk Sigrúnar skrifa Arnór Víkingsson, gigtarlæknir, Karl Örn Karlsson, tannlæknir og Magnús Baldursson, sálfræðingur efni á vefinn. Í framtíðinni verður leitað í smiðju ýmissa annara sérfræðinga.
Vefnum er ætlað að stíga skref í átt til bættrar þekkingar á vefjagigt og bæta þjónustu við þann sjúklingahóp. Á vefnum eru allar helstu upplýsingar um heilkenni vefjagigtar, tengda sjúkdóma og helstu meðferðir. Upplýsingarnar eru byggðar á niðurstöðum vísindarannsókna og almennum fróðleik byggðum á reynslu vefjagigtarfólks og fagaðila sem hafa reynslu í meðferð á vefjagigt. Vefurinn á að nýtast fólki með vefjagigt og langvinna verki, aðstandendum þeirra og vinum, eins og stendur í fréttatilkynningu.
Ljóst er að hér er um gott framtak að ræða og hvetjum við fólk til að skoða vefinn. Slóðin er www.vefjagigt.is