Egilsstaðir - Austurlandsdeild - Aðalfundur og fræðsla
Laugardaginn 5. maí boðar Gigtarfélag Íslands, Austurlandsdeild, til aðalfundar á Egilsstöðum með félagsmönnum og öðrum sem hafa áhuga á málefninu. Fundurinn verður kl. 13.00 í fundarsal heilsugæslustöðvarinnar Lagarási 17, Egilsstöðum, aðaldyramegin.
Eftir aðalfundarstörf heldur Margrét Jónsdóttir, félagsráðgjafi og forstöðumaður þjónustumiðstöðvar Tryggingastofnunar ríkisins, erindi undir yfirskriftinni: Réttur til almannatrygginga
Þegar fólk veikist af langvinnum sjúkdómum getur verið erfitt að fóta sig í kerfinu og fá upplýsingar um þann rétt sem almannatryggingar veita við þær aðstæður. Um þennan rétt ætlar Margrét að fræða.