Aðalfundur Vesturlandsdeildar Gigtarfélags Íslands
Laugardaginn 3. mars boðar Gigtarfélag Íslands, Vesturlandsdeild, til aðalfundar á Akranesi með félagsmönnum og öðrum sem áhuga hafa á málefninu.
Fundurinn verður kl. 14.00 í Grundaskóla á Akranesi.
Eftir aðalfundarstörf flytur Eggert S. Birgisson sálfræðingur erindi sem hann nefnir: "Vefjagigt og andleg líðan".
Eggert mun fjalla um hvernig andleg líðan og einkenni vefjagigtar tengjast og hafa áhrif hvort á annað. Hvernig streita, kvíði, þunglyndi, depurð og sorg geta orsakast af vefjagigt og hver áhrif þeirra geta verið á sjálfan sjúkdóminn. Sömuleiðis verður fjallað um væntingar til bata og markmiðssetningu.
Eggert S. Birgisson er sálfræðingur og lærði á Íslandi og í Danmörku. Lokaverkefni hans í sálfræði fjallaði um vefjagigt og síþreytu. Í starfi hefur hann fengist við meðferð vefjagigtar og síþreytu.
Við hvetjum alla sem áhuga hafa að mæta og taka með sér aðstandendur og vini.
-Vesturlandsdeild