Iðjuþjálfun Gigtarfélags Íslands

Iðjuþjálfun GÍ er opin mánudaga og föstudaga frá kl. 8.45 - 12.30, en þriðjudaga, miðvikudaga og fimmtudaga frá kl. 8:00 - 17:00.

• Síminn er 530 3603           
• Faxið: 553 0765
• Netfang: idjuthjalfun@gigt.is

Við iðjuþjálfun GÍ starfa: 

• Sigurborg Sveinsdóttir, iðjuþjálfi
• Guðbjörg Guðmundsdóttir, iðjuþjálfi 
• Jóhanna Lilja Einarsdóttir, aðstoðarmaður

 Markmið iðjuþjálfunar GÍ
Markmið iðjuþjálfunar GÍ er að auka starfsgetu og bæta líðan fólks með gigtarsjúkdóma, en þeir hafa margvísleg áhrif á daglegt líf. Skerta starfsgetu og vanlíðan má oftast rekja til helstu fylgifiska gigtarinnar, þ.e. verkja, stirðleika, máttleysis og þreytu.

 Iðjuþjálfar á GÍ sjá einkum um hverskonar handarþjálfun og takast á við vandann með fólki.  Við móttöku einstaklings er vandinn greindur, hreyfifærni metin svo og styrkur, bólgur, aflaganir, ofl. Tilgangur meðferðarinnar er útskýrður og gerð er meðferðaráætlun sem m.a. felur í sér fræðslu um einkenni þeirrar gigtar sem við á, líffræði handar, grip ofl. Kennd er liðvernd, líkamsbeiting og æfingar er viðhalda eða auka hreyfigetu og styrk. Gefin eru ráð við vali á hjálpartækjum, kennd er notkun þeirra og útskýrð nauðsyn notkunar. Í sumum tilfellum eru útvegaðar spelkur á hendur eða þær útbúnar, hvorttveggja til notkunar við vinnu og í hvíld. Sótt er um greiðslu eða greiðsluþátttöku TR við hjálpartæki og spelkur í þeim tilvikum sem við á. Iðjuþjálfar GÍ fara í Heimilis- og vinnustaðaathuganir og gera tillögur til úrbóta sé á því þörf.

 Hvað þarf til að komast í iðjuþjálfun

Til að komast í iðjuþjálfun þarf beiðni frá lækni. Læknir sendir beiðn­ina til iðjuþjálfa eða viðkomandi kemur með hana sjálfur. Frumbeiðni felur í sér 25 meðferðir og gildir í hámark 12 mánuði óháð því hvenær viðkomandi hóf meðferð. Ef þörf er á meðferð umfram þann skiptafjölda þarf iðjuþjálfi að senda meðferðaráætlun um það til tilvísandi læknis til samþykkis. Framhaldsmeðferð getur að hámarki orðið 25 skipti. Þurfi endurtekna framhaldsmeðferð (umfram 50 skipti) gilda reglur um langtímameðferð. Læknir eða iðjuþjálfi geta sótt um langtímameðferð til TR. Eftir að beiðni rennur út tekur Tryggingastofnun ríkisins ekki lengur þátt í greiðslum fyrir meðferð.

Greiðsluþátttaka einstaklinga í iðjuþjálfun

Heildartaxti iðjuþjálfa er samkvæmt gildandi samningi GÍ og Sjúkratrygginga Íslands. Sjúkratryggingar niðurgreiða meðferðir að hluta, mismikið eftir aðstæðum.  Allir greiða aukagjald vegna upphafsskoðunar í samræmi við aðrar meðferðir.  

Almennir sjúklingar

Greiða 70 % af gildandi taxta, af fyrstu 25 meðferðum, yfir 12 mánaða tímabil. Skoðunargjald er sama upphæð. Fyrir meðferðir umfram 25 skipti á 12 mánuðum greiða almennir sjúklingar 40%. Ef viðkomandi er einnig í sjúkraþjálfun (og / eða talþjálfun) eru þau skipti talin með.

Elli- og örorkulífeyrisþegar með fulla tekjutryggingu og börn og unglingar yngri en 18 ára

Greiða 20% af gildandi taxta, af fyrstu 25 meðferðum, yfir 12  mánaða tímabil. Skoðunargjald er sama upphæð.  Eftir 25 meðferðir þarf að sækja um framhaldsmeðferð ef þörf krefur og greiða þeir þá ekki fyrir þær meðferðir svo framarlega sem þær séu innan 12 mánaða frá upphafsdegi meðferðar. Ef viðkomandi er einnig í sjúkraþjálfun (og / eða talþjálfun) eru þau skipti talin með. 

Elli- og örorkulífeyrisþegar með skerta tekjutryggingu

Greiða 20% af gildandi taxta fyrir hverja meðferð.  Skoðunargjald er sama upphæð. Að fyrirfram samþykktri viðbótarþjálfun af hálfu Sjúkratrygginga umfram 25 skiptin (á 12 mánaða tímabili frá upphafi þjálfunar) greiða elli- og örorkulíferyrisþegar með skerta tekjutryggingu 10% af gildandi taxta. Ef viðkomandi er einnig í sjúkraþjálfun (og / eða talþjálfun) eru þau skipti talin með.

Elli- og örorkulífeyrisþegar án tekjutryggingar

Greiða 30% af gildandi taxta fyrir hverja meðferð. Skoðunargjald er sama upphæð. Að fyrirfram samþykktri viðbótarþjálfun af hálfu Sjúkratrygginga umfram 25 skiptin greiða elli- og örorkulífeyrisþegar án tekjutryggingu 20% af gildandi taxta út árið frá upphafi þjálfunar. Ef viðkomandi er einnig í sjúkraþjálfun (og / eða talþjálfun) eru þau skipti talin með.     

Athugið eftirfarandi 

• Örorkulífeyrisþegar eru beðnir um að framvísa örorkuskírteini sínu við skoðun svo að iðjuþjálfi geti tekið niður dagsetningar og númer þess.
• Athugið að sum verkalýðs- og stéttarfélög niðurgreiða sjúkraþjálfun félagsmanna sinna.
• Mikilvægt er að tilkynna forföll við fyrsta mögulega tækifæri.  Séu forföll ekki tilkynnt fyrir kl. 09.15 að morgni þess dags sem meðferð á að fara fram er innheimt forfallagjald.

Til baka, Senda grein, Prenta greinina