Fréttir og Tilkynningar
4. Gigtargangan - 8. október - Undir kjörorðinu
Fimmtudaginn 8. október mun gigtarfólk ganga með fjölskyldum sínum og vinum frá Lækjartorgi upp á Skólavörðuholt undir kjörorðinu "Vinnum saman" en Evrópsku gigtarfélögin hafa það sem kjörorð á alþjóðlegum gigtardegi 12. október í ár.
Gigtarfólk stendur fyrir dugnað, einurð og útsjónarsemi. Gigtarfólk er góður starfskraftur. Úrræði við gigtarsjúkdómum er fjárfesting. Hvergi á Norðurlöndunum er atvinnuþátttaka gigtarfólks meiri en á Íslandi.
Við skorum á sem flesta að ganga með okkur.
Við göngum til að vekja athygli á því..
- að gigtarfólk er góður starfskraftur.
- að snemmgreining gigtarsjúkdóma skiptir öllu máli.
- að gott aðgengi að góðu heilbrigðiskerfi skiptir öllu
- 10 til 14 börn greinast með alvarlegan gigtarsjúkdóm á ári.
Gigtargangan
17:00 - Byrjum að safnast saman á Lækjartorgi
17:20 - Upphitun fyrir gönguna
17:30 - Gangan hefst, gengið verður upp Bankastræti og Skólavörðustíg
18:00 - Gangan endar við Hallgrímskirkju.
18:10 - Hlustað á orgelspil í Hallgrimskirkju
Við mælum með að þeir sem erfiðast eiga með gang komi inn í gönguna við Bergstaðastræti.
- Við viljum atvinnu og samfélag fyrir alla.